ජනාධිපති කාර්යාලයට අයත් වාහන 28ක් රක්ෂණය කර නොමැති බව පසුගියදා නිකුත් කළ විගණන වාර්තාවකින් අනාවරණය වී තිබේ.
රක්‍ෂණ රහිත වාහන 28 න් වාහන 13 ක් අධි ආරක්‍ෂිත වාහන වන අතර එක් වාහනයක වටිනාකම රුපියල් කෝටි 25 ත් 30 ත් අතර වන බව වාර්තාවේ සඳහන් වේ.
එමෙන්ම ඉහළ රක්‍ෂණ සහිත වාහනවල වටිනාකම වැඩි නිසා රක්ෂණය සඳහා එක් වාහනයකට වසරකට රුපියල් කෝටි දෙකක බද්දක් ගෙවිය යුතුය.
එබැවින් එම වාහන අධික පිරිවැයකට රක්ෂණය කර නොමැති බව ජනාධිපති ලේකම් කාර්යාලයේ ගිණුම් නිලධාරියා විගණකාධිපතිවරයාට දන්වා ඇත.
රට තුළ පවතින නීති ක්‍රියාත්මක නොවන්නේ නම් එම අවශ්‍යතා සපුරාලීම සඳහා විකල්ප ප්‍රතිපත්තිමය තීරණ හඳුන්වා දිය යුතු බව එම වාර්තාවේ සඳහන් කර ඇතත් එය සිදු වී නොමැත.