ශ්රී ලංකා පොදුජන පෙරමුණේ ජාතික ලැයිස්තු මන්ත්රී ධූරය සඳහා ව්යාපාරික ධම්මික පෙරේරා පත් කිරීමට ගත් තීරණය තුළින් ආණ්ඩුක්රම ව්යවස්ථාව උල්ලංඝනය වන බවට තීන්දුවක් ලබාදෙන ලෙස ඉල්ලා ශ්රේෂ්ඨාධිකරණයට මූලික අයිතිවාසිකම් පෙත්සමක් ඉදිරිපත් වී තිබේ.
පෙත්සම්කරුවන් සඳහන් කර සිටින්නේ පාර්ලිමේන්තුවේ ජාතික ලැයිස්තුවෙන් මන්ත්රී ධුරයක් පුරප්පාඩු වූ විට ඒ සඳහා පත් කිරීමට හැකියාව ලැබෙන්නේ මහමැතිවරණයේදී දිස්ත්රික්ක සඳහා භාරදුන් නාමයෝජනාවල නම් ඇතුළත්ව සිටින පුද්ගලයකු හෝ ජාතික ලැයිස්තුවේ නම් සදහන් පුද්ගලයකුට පමණක් බවයි.
එහෙත් ධම්මික පෙරේරාගේ නම ඉකුත් මහ මැතිවරණය සඳහා ඉදිරිපත් කළ නාමයෝජනා පත්ර වල හෝ ජාතික ලැයිස්තුවේ ඇතුළත් ව නොතිබූ බැවින් ඔහු පාර්ලිමේන්තුවේ පුරප්පාඩු වූ මන්ත්රී ධූරයක් සඳහා පත් කිරීම ආණ්ඩුක්රම ව්යවස්ථාවට පටහැනි බව පෙත්සම්කරුවන් පෙන්වා දෙයි.