අද (12) අලුයම 04.30ට පමණ කොළඹ – කුරුණෑගල මාර්ගයේ මැටිකුඹුර ආසන්නයේදී අනුරාධපුර ඩිපෝවට අයත් ලංගම බස් රථ දෙකක් එකිනෙක ගැටී තිබෙනවා.
එම අනතුරෙන් තිදෙනෙකු තුවාල ලබා රෝහල්ගත කර තිබේ. කොළඹ දෙසට ධාවනය වූ බස් රථය අනෙක් බස් රථයට ඉස්සර කිරීමට යාමේදී මෙම අනතුර සිදුව ඇත.
පසුපසින් පැමිණි බස් රථයේ කොන්දොස්තරවරයා හා ඉදිරිපස බසයේ පිටුපස ආසනයේ ගමන්ගත් පුද්ගලයින් දෙදෙනෙකු තුවාල ලබා තිබෙනවා. ඔවුන් කුරුණෑගල රෝහලට ඇතුළත් කර තිබෙනවා.
සිද්ධිය සම්බන්ධයෙන් පොල්ගහවෙල පොලීසිය වැඩිදුර විමර්ශන සිදුකරයි.
