යාල ජාතික වනෝද්යානය ඇතුළු මෙරට ජාතික වනෝද්යාන නැරඹීමට පැමිණෙන විදේශීය සංචාරකයින්ට ඩොලර් මගින් ගෙවීම් කර ප්රවේශපත් ලබා ගැනීමේ පහසුකම් සලසා තිබේ.
මෙම පහසුකම ජනවාරි මාසයේ සිට ආරම්භ කරන බවයි වනජීවි හා වනසම්පත් සංරක්ෂණ අමාත්යාංශය පවසන්නේ.
රටේ ආර්ථිකයට ඩොලර් ඉපයීම අරමුණු කර ගනිමින් මෙම පියවර ගන්නා ලෙස කෘෂිකර්ම වනජීවි හා වනසම්පත් සංරක්ෂණ අමාත්ය මහින්ද අමරවීර උපදෙස් ලබා දී තිබේ.
ඒ අනුව මෙම වැඩපිළිවෙළ මෙම ජනවාරි මාසය තුළ ආරම්භ කරන බවත්, පළමුව යාල ජාතික වනෝද්යානයෙන් එම වැඩ පිළිවෙළ ක්රියාත්මක කිරීමට පියවර ගන්නා බවත් එම අමාත්යාංශයේ ලේකම් චන්ද්රා හේරත් පැවසුවාය.