මෙරට ජනප්රිය රංගන ශිල්පී සහ හිටපු පාර්ලිමේන්තු මන්ත්රී රන්ජන් රාමනායක සිය අමෙරිකානු සංචාරය නිමකර අද (20) පෙරවරුවේ කටුනායක ජාත්යන්තර ගුවන්තොටුපළ වෙත පැමිණියා.
මාධ්ය වෙත අදහස් දක්වමින් ඔහු කියා සිටියේ තම අමෙරිකානු සංචාරයේදී ප්රසංග රැසක් පැවැත්වූ බවත් අපේ රටේ දුප්පත් දරුවන්ට ලබාදීමට තමන් ලැප්ටොප් පරිගණක තොග වශයෙන් මිලදී ගත් බවත්ය.
ප්රසංගවලින් උපයාගත් මුදලින් ලැප්ටොප් මිලදී ගත් බවද ඔහු කීවේය.
“සමහර ප්රකෝටිපතියන් අපේ රටේ දුප්පත් දරුවන් වෙනුවෙන් ලැප්ටොප් පරිගණක සහ ඇඳුම් ගොඩක් පරිත්යාග කරනවා. සියලුම ලැප්ටොප් සහ ඇඳුම් එකම කන්ටේනරයකින් මෙරටට පැමිණෙනවා. දැන් මම බැඳීම් නැති නිදහස් මිනිසෙක්. මේ පරිත්යාග දුප්පත් දරුවන්ට බෙදා දීලා ඉදිරියේදී සමාජ සේවා කටයුතුවලට සම්බන්ධ වෙන්න බලාපොරොත්තු වෙනවා.“