වයස අවුරුදු 10 ක් වන තම මිණිපිරියට ලිංගික අතරව කළ බව කියන 90 වියේ පසුවන ඇගේ මුත්තෙකු ආරච්චිකට්ටුව පොලීසිය විසින් අත්අඩංගුවට ගෙන තිබෙනවා.
එලෙස අත්අඩංගුවට ගෙන තිබෙන්නේ නල්ලදරන්කට්ටුව – වෙහෙරකැලේ පදිංචිව සිටින අයෙකි.
පසුගිය 15 වැනිදා දැරිවිය තම මුත්තාට දිවා ආහාර රැගෙන තනිවම ඔහුගේ නිවසට ගොස් ඇති අතර එම අවස්ථාවේදී සැකකරු විසින් දැරිවියව බරපතල ලෙස අපයෝජනයට ලක් කර ඇති බව විමර්ශණ වලදී අනාවරණය වී තිබේ.
පසුව දැරිවිය විසින් මේ බව නිවසට පැමිණ තම මවට පවසා ඇති අතර අනතුරුව මව විසින් මේ සම්බන්ධයෙන් ආරච්චිකට්ටුව පොලීසියට පැමිණිල්ලක් කර තිබුණා
සැකකරුව අත්අඩංගුවට ගෙන ඇති අතර දැරිවිය වෛද්ය පරීක්ෂණයක් සදහා හලාවත මහා රෝහලේ අධිකරණ වෛද්ය නිලධාරීවරයා වෙත යොමු කර තිබෙනවා.