අනුරාධපුර පූජා නගරය ආසන්නයේ පාසලක 8 වන ශ්රේණියේ ඉගෙනුම ලබන බාලවයස්කාර 13 හැවිරිදි පාසල් දැරියක් දූෂණය කිරීමේ පුවතක් වාර්තා වෙයි.
සිද්ධිය සම්බන්ධයෙන් අනුරාධපුර තන්නායම්කුලම ප්රදේශයේ පදිංචි 19 හැවිරිදි පුද්ගලයකු ඊයේ (02) අත්අඩංගුවට ගත් බවයි පොලිසිය සඳහන් කළේ.
අදාළ දැරිය තම මව දැනුවත් කර නිවෙස ආසන්නයේ නැන්දාගේ නිවසට යන අතරවාරයේදී යතුරු පැදියකින් පැමිණි නාඳුනන පුද්ගලයෙකු බලහත්කාරයෙන් යතුරු පැදියට නංවා ගෙන පාළු නිවසකට රැගෙන ගොස් දූෂණයට ලක් කළ බව දැරිය ප්රකාශ කර ඇති බවයි පොලීසිය පවසන්නේ.
සැකකරු හා පැමිණිලිකාර දැරියගේ පරස්පර ප්රකාශ සම්බන්ධයෙන්ද වෙනම විමර්ශන සිදු කරන බවයි පොලීසිය පවසන්නේ. මෙම දැරිය මේ වනවිටත් අනුරාධපුර රෝහලේ ප්රතිකාර ලබයි.
අත්අඩංගුවට ගත් සැකකරු අනුරාධපුර මහේස්ත්රාත් අධිකරණයට ඉදිරිපත් කර ඇති අතර මාර්තු මස 14 වනදා දක්වා සැකකරුව බන්ධනාගාරගත කර ඇත.