පළාත් සභා හා පළාත් පාලන අමාත්ය, අග්රාමාත්ය දිනේෂ් ගුණවර්ධන මහතා හමුවීම සඳහා ඉල්ලීමක් කළ බව, ජාතික මැතිවරණ කොමිෂන් සභාව පවසයි.
පළාත් පාලන මැතිවරණය සම්බන්ධයෙන් මතු වී ඇති ගැටලු පිළිබඳව සාකච්ඡා කිරීම එහි අරමුණ බවයි මැතිවරණ කොමිසම සඳහන් කළේ.
අපේක්ෂකයින් ලෙස ඉදිරිපත්ව සිටින රාජ්ය සේවකයින්ට වැටුප් ගෙවීම සම්බන්ධයෙන් මතුව ඇති ගැටලු පිළිබඳව එහිදී වැඩි අවධානයක් යොමු කෙරෙනු ඇති.
පළාත් පාලන මැතිවරණය සම්බන්ධයෙන් සාකච්ජා කිරීම සඳහා මැතිවරණ කොමිසම කැඳවීමට අපේක්ෂා කරන බව අග්රාමාත්ය දිනේෂ් ගුණවර්ධන මහතා පසුගිය සිකුරාදා (24) පාර්ලිමේන්තුවේදී ප්රකාශ කළේ ය.