ඇඹිලිපිටිය දිස්ත්රික් මහ රෝහලේ නිර්වින්දන විශේෂඥ වෛද්යවරුන් නොමැති වීම හේතුවෙන් අත්යවශ්ය හා හදිසි ශල්යකර්ම සිදුකළ යුතු රෝගීන් හා දැඩි සත්කාර ඒකකයේ තැබිය යුතු රෝගීන් ප්රධාන රෝහල් හතරක් වෙත යැවීමට එම රෝහලේ අධ්යක්ෂ වෛද්ය ආර්.ඒ. එම්.ඩබ්ලිව්.එස්. බණ්ඩාර තීරණය කර තිබේ.
කරාපිටිය, මාතර, හම්බන්තොට හා රත්නපුර රෝහල් වෙත එම රෝගීන් මාරු කර එවන බව දන්වමින් රෝහල් අධ්යක්ෂවරයා එම රෝහල් හතරේ අධ්යක්ෂවරුන් වෙත ලිපියක් යොමු කර ඇති අතර නිර්වින්දන වෛද්යවරුන් නොමැති බැවින් දැඩි සත්කාර ඒකකයේ ප්රතිකාර ලැබිය යුතු රෝගීන් එවීමෙන්ද වළකින්නැයි වෛද්යවරයා යැවූ එම ලිපියේ දක්වා තිබේ.