ශ්‍රී ලංකාවේ අමෙරිකානු තානාපතිනි ජුලී චන්ග් අද (05) වතුකරයේ සංචාරයක නිරත විය.
මෙම සංචාරය පිළිබඳව ඇය සිය නිල ට්විටර් පිටුවේ සඳහන් කර ඇත.
තම සංචාරය පිළිබඳව අදහස් දක්වමින් තානාපතිවරිය සඳහන් කළේ කඳුකර පවුල් හමුවූ බවයි. ඔවුන්ගෙන් බොහෝ දෙනෙකුට වසර 200 ක ඉතිහාසයක් ඇති බවත් ඇය එම පණිවුඩයේ දක්වා ඇත.
ඔවුන් මුහුණ දෙන ආර්ථික හා දේශපාලන බාධාවන් පිළිබඳවද තමන් විමසූ බවත්
ඔවුන්ට වඩා හොඳ නිවාස, අධ්‍යාපනය සහ ජීවනෝපාය වැඩිදියුණු කිරීමට ඇති අවස්ථා පිළිබඳව තමන් සෘජුවම විමසා බැලූ බවත් තානාපතිනිය පැවසුවාය.