ශ්‍රී ලංකාව ගොඩනැගීම සඳහා ජනාධිපති රනිල් වික්‍රමසිංහ ගෙනයන වැඩපිළිවෙලට ලෝක බැංකුවේ පූර්ණ සහයෝගය ලබා දෙන බව ලෝක බැංකු සභාපති අජේ බංගා පවසයි.
සභාපතිවරයා මේ බව පවසා ඇත්තේ ඊයේ (18) ජනාධිපති රනිල් වික්‍රමසිංහ හමු වූ අවස්ථාවේදීයි.
ජනාධිපති රනිල් වික්‍රමසිංහගේ වැඩපිළිවෙල සාර්ථක ලෙස අඛණ්ඩව පවත්වාගෙන යාමත් සමඟ ශ්‍රී ලංකාවට සිය ඉලක්ක කඩිනමින් ළඟා කර ගත හැකි බවට ලෝක බැංකු සභාපති අජේ බංගා එහිදී විශ්වාසය පළ කර තිබීම විශේෂත්වයකි.
මෙම ප්‍රයත්නය සඳහා ලෝක බැංකුවේ පූර්ණ සහයෝගය ලබා දෙන බවට ලෝක බැංකු සභාපතිවයා ප්‍රතිඥා දී තිබේ.