කළුතර ප්රදේශයේ පාසල් සිසුන් ඉලක්ක කර ගනිමින් මත්ද්රව්ය අලෙවි කළ පුද්ගලයෙකු අද (10) අත්අඩංගුවට ගෙන තිබෙනවා.
මොහු සන්තකයේ තිබී මත්පෙති 1000ක් සොයා ගත් බවයි වාර්තා වන්නේ.
පොලීසිය පැවසුවේ, කළුතර – පන්විල ප්රදේශයේ පදිංචි 41 හැවිරිදි පුද්ගලයෙකු මෙලෙස අත්අඩංගුවට ගෙන ඇති බවයි.
උප පොලිස් පරීක්ෂක පී ආර් වීරසේන මහතා ට ලද තොරතුරක් මත කළුතර පලාතොට ප්රදේශයේ දී සැකකරු පරීක්ෂා කර මත්කරල් 10 බැගින් අඩංගු කාඩ් 100 ක් සොයාගෙන ජාවාරම සදහා යොදාගත් ජංගම දුරකථනයද භාරයට ගෙන තිබේ.
ප්රදේශයේ පාසල්වලින් සහ දෙමාපියන්ගෙන් ලැබුණු පැමිණිලි සැලකිල්ලට ගනිමින් මෙම වැටලීම සිදුකළ බව උසස් පොලිස් නිලධාරියෙකු සඳහන් කළේය.
පෙත්තක් රුපියල් 150 කට අලෙවි කරන බවට සැකකරුගේ ප්රකාශවලින් අනාවරණය වූ බව වැටලීමට සම්බන්ධ නිලධාරියෙක් පැවසීය.
සැකකරු කළුතර මහේස්ත්රාත් අධිකරණයට ඉදිරිපත් කිරීමට නියමිතය.