ආණ්ඩුව කවුරු ගත්තත් ණය ගෙවීමට නීතියෙන් බැඳී සිටින බවත් අප ගත් මෙම ණය නොගෙවුවොත් ඇමරිකා එක්සත් ජනපදයේ හැමිල්ටන් උසාවියේ නඩු පවරනු ඇති බවත් ප්රවාහන, මහාමාර්ග හා ජනමාධ්ය අමාත්ය බන්දුල ගුණවර්ධන පැවසීය.
අමාත්යවරයා මේ බව ප්රකාශ කළේ අද (17) පාර්ලිමේන්තුවේදී අදහස් දක්වමිනි.
එහිදී වැඩිදුරටත් අදහස් දක්වමින් අමාත්යවරයා කියා සිටියේ අපි ගිනි කන්දක් උඩ තාච්චිය තියාගෙන සොසේජස් බැදගෙන කන ජාතියක් බවයි.
එමෙන්ම ගිනිකන්ද පිපිරුවොත් කවුරුවත් ඉතුරු නොවන බව පැවසූ අමාත්යවරයා කියා සිටියේ මේ වන විට තිබෙන ණය ප්රමාණය ඇමරිකා ඩොලර් බිලියන තිස් හයක් බවයි.
තව වසර විස්සකටත් වැඩි කාලයක් එම ණය ගෙවීමට සිදුවන බවයි අමාත්යවරයා කියා සිටියේ.