පසුගිය 28 වැනිදා සිට ආරම්භ කළ සීසීටීවී කැමරා ඔස්සේ ලබා ගන්නා දර්ශන මඟින් රථවාහන වැරදි හඳුනාගැනීම සහ දඩ පත්රිකා නිකුත් කිරීම ඊයේ (01) ආරම්භ කර තිබෙනවා.
පොලිස් මාධ්ය ප්රකාශක නියෝජ්ය පොලිස්පති නීතීඥ නිහාල් තල්දූව පැවසුවේ කොළඹ නගරයේ ස්ථාපිත කර ඇති සීසීටීවී කැමරා ඔස්සේ ලබා ගන්නා දර්ශන විශ්ලේෂණය කර මෙම දඩ පත්රිකා නිකුත් කරන බවයි.
ඒ අනුව රියදුරෙකු විසින් කොළඹ නගරය තුළ ස්ථාපිත සීසීටීවී කැමරා පද්ධතියට හසුවන ලෙස වරදක් සිදු කළ හොත් දඩ පත්රිකා ලබා දීම හෝ අධිකරණ ක්රියාමාර්ග ගැනීම මේ වන විට ආරම්භ කර තිබෙනවා.