ගසක් කැපීමට යාමේදී ඊට යට වී පුද්ගලයෙක් ජීවිතක්ෂයට පත්ව තිබෙනවා.
අප වාර්තාකරු පැවසුවේ මෙලෙස ජීවිතක්ෂයට පත්ව ඇත්තේ දඹුල්ල, අතුපාරයායේ පදිංචි හිටපු තැපැල් ස්ථානාධිපතිවරයෙක් බවයි.
ඩබ්ලිව්. එම්. ජයසේන නැමැති වයස අවරුදු 73ක පුද්ගලයෙක් මෙම අනතුරෙන් ජීවිතක්ෂයට පත්ව තිබෙනවා.
කපන ලද ගසක් බිම දැමීමට කඹයක් ආධාරයෙන් ඇදීමට යාමේ දී මෙම පුද්ගලයා ගසට යට වීමෙන් මෙම අනතුර සිදුව තිබෙනවා.
මෘත දේහය පශ්චාත් මරණ පරීක්ෂණය සඳහා දඹුල්ල රෝහල වෙත රැගෙන ගොස් තිබෙනවා.