චීනය මේ වසරේදී විදේශ වෙළඳ කටයුතු ශක්තිමත් ලෙස පවත්වාගෙන යමින් සිටින බව එරට රේගු පරිපාලනය සඳහන් කරයි.
චීන රේගු පරිපාලනය අද (14) නිකුත් කළ නවතම දත්ත වාර්තාවට අනුව, 2026 වසරේ පළමු භාගයේදී චීනයේ භාණ්ඩ ආනයන හා අපනයනවල සමස්ත වටිනාකම යුවාන් ට්රිලියන 25.47ක් දක්වා ඉහළ ගොස් තිබේ.
වසරේ මුල් මාස හය තුළදී චීනයේ භාණ්ඩ වෙළඳාම යුවාන් ට්රිලියන 25 ඉක්මවා ගිය පළමු අවස්ථාව මෙය බව රේගු බලධාරීන් පෙන්වා දෙයි.
මෙම වටිනාකම පසුගිය වසරේ එම කාලය සමඟ සැසඳීමේදී 16.9%ක වර්ධනයක් පෙන්නුම් කරයි.
එහිදී අපනයන වටිනාකම යුවාන් ට්රිලියන 14.73ක් වන අතර, එය පෙර වසරේ මුල් භාගයට සාපේක්ෂව 13.4%ක ඉහළ යාමකි.
එමෙන්ම ආනයන වටිනාකම යුවාන් ට්රිලියන 10.74ක් දක්වා වර්ධනය වී ඇති අතර, එය වාර්ෂිකව 22.1%ක වර්ධනයක් බව චීන රේගු පරිපාලනයේ නවතම දත්ත වාර්තාවේ සඳහන් වේ.