ඩෙංගු ආසාදනයෙන් මේ වන විට මරණයට පත්ව ඇති 53 දෙනාගෙන් 37 දෙනෙකුම කාන්තාවන් බව ජාතික ඩෙංගු මර්දන ඒකකයේ ප්රජා විශේෂඥ වෛද්ය ප්රශිලා සමරවීර මහත්මිය ප්රකාශ කළාය. එය සමස්ත ඩෙංගු මරණවලින් සියයට 70ක් වන අතර, සෙසු මරණ 16 පිරිමි පුද්ගලයන්ගේ වේ. මියගිය පිරිස අතර වයස අවුරුදු 19ට අඩු දරුවන් 5 දෙනෙකු ද සිටින බව ඇය සඳහන් කළාය.
මේ වසරේ ආරම්භයේ සිට මේ දක්වා දිවයිනෙන් ඩෙංගු ආසාදිතයන් 75,321ක් සහ මරණ 53ක් වාර්තා වී ඇත. ඉන් වැඩිම ආසාදිතයන් සංඛ්යාව වන 15,762ක් (සියයට 20.93ක්) වාර්තා වන්නේ ගම්පහ දිස්ත්රික්කයෙන්ය.