2024 වර්ෂයේ පළමු පාසැල් වාරය ආරම්භ කිරීමට ප්‍රථම පාසැල් පෙළ පොත් සිසුන්ට බෙදා දෙන බව අධ්‍යාපන අමාත්‍ය සුසිල් ප්‍රේමජයන්ත පැවසීය.
අධ්‍යාපන ප්‍රකාශ දෙපාර්තමේන්තුවට අයත් හෝමාගම පිටිපන ප්‍රදේශයේ පිහිටි ප්‍රධාන ගබඩාවේ සිට ප්‍රාදේශීය මධ්‍යස්ථානවලට පෙළපොත් බෙදා හැරීම ආරම්භ කරමිමුයි අමාත්‍යවරයා මේ බව ප්‍රකාශ කළේ.
2024 වර්ෂය අවසාන වනවිට පාසැල් විෂය නිර්දේශය ආවරණය කර කොවිඩ් ව්‍යවසන සමයේ මඟ හැරුණු අධ්‍යන කටයුතු සියල්ල යථා තත්ත්වයට පත් කිරීම සිය අපේක්ෂාව බව අමාත්‍යවරයා එහිදී අවධාරණය කළේය.