කොළඹ – කොල්ලුපිටිය ප්‍රදේශයේදී මගීන් ප්‍රවාහනය කළ ලංගම බස් රථයක් මතට විශාල ගසක් කඩා වැටීමෙන් අද (06) අලුයම අනතුරක් සිදුව තිබෙනවා.
පොලීසිය සඳහන් කළේ මෙම අනතුරෙන් පුදගලයින් 17 දෙනෙකු තුවාල ලබා ඇති බවයි.
කොළඹ සිට දෙණියාය බලා ධාවනය වූ ලංගම බස් රථයකට කොල්ලුපිටිය ලිබර්ටි හන්දිය අසලදී ගසක් කඩා මෙම අනතුර සිදුව තිබුණා.
මෙම අනතුරෙන් තුවාල ලැබූ පුද්ගලයින් රෝහල්ගත කිරීමට පියවර ගෙන ඇති බවයි වාර්තා වුණේ.
මෙම අනතුර හේතුවෙන් එම මාර්ගය අවහිර වී මේ වනවිට රථ වාහන ධාවනයට බාධා එල්ල වී ඇති බව ද පොලීසිය පැවසුවා.
