උත්සව සමයේ ජනතාව සෞඛ්‍ය ආරක්ෂිත ක්‍රමවේදයන් සම්බන්ධයෙන් දැඩිව අවධානය යොමු කළ යුතුව ඇතැයි සෞඛ්‍ය අංශ පවසයි.
කොවිඩ් රෝග වැළැක්වීමේ ජාතික සම්බන්ධීකාරක විශේෂඥ වෛද්‍ය අන්වර් හම්දානි මහතා පැවසුවේ , අත්‍යවශ්‍ය කටයුතු සඳහා පමණක් සංචරණ කටයුතුවල යෙදීමට ජනතාව පියවර ගත යුතු බවයි.
මේ වන විට දෛනිකව වාර්තා වන කොරෝනා ආසාදිතයින් සංඛ්‍යාව 1200 ක් පමණ වන බව ද ඔහු පැවසුවේ ය.
විදේශයන්හි සිට පැමිණෙන සංචාරකයින් සඳහා ගුවන්තොටුපොළේදී හෙට (01) සිට නව ක්‍රමවේදයක් ක්‍රියාත්මක බව නියෝජ්‍ය සෞඛ්‍ය සේවා අධ්‍යක්ෂ ජනරාල්, වෛද්‍ය ජී.විජේසූරිය මහතා පැවසුවේ ය.
එම ක්‍රියාමාර්ගය මෙරට සිට විදෙස්ගත වන සංචාරකයින් සඳහා මෙතෙක් ක්‍රියාත්මක නොවන බව ද ඔහු පැවසුවේ ය.