රාත්‍රී ආහාරය සඳහා කොස් ගෙඩියක් කැඩීමට ගිය අයකු කොස් ගස අසල බිම ඇදවැටීමෙන් ජීවිතක්ෂයට පත්ව තිබෙනවා.
මෙසේ මියගොස් ඇත්තේ තුන්අඳහේන, කොරතොට පදිංචි අවුරුදු (73) එක්දරු පියෙක්.
මොහු ඊයේ (6) සවස තුනට පමණ සිය බිරියද සමඟ වත්ත පහළ ඇති කොස් ගසකින් ගෙඩියක් කැඩීමට ගොස් තිබෙනවා.
බිරිය කොස් ගෙඩිය කැඩීමේදී එය ඇයගේ ඇඟට වැටෙතැයි කලබලයෙන් ඇය ඉවත් කිරීමට යෑමේදී එක් වරම සැමියා බිම ඇදවැටී අතර කොස් ගෙඩිය ආසන්නයේ තිබූ වතුර ටැංකිය අසලට වැටී ඇති අතර, බිම ඇදවැටුණු තැනැත්තා ඔරුවල රෝහලට ඇතුළලත් කරන විටත් ජීවිතක්ෂයට පත්ව තිබෙනවා.