යාපනය බස් නැවතුම්පොළෙ දී ජනතාවට හිරිහැර වන අන්දමින් “යාපනය කඩු කල්ලිය“නැමති කණ්ඩායමක නායකයාගේ උපන්දිනය සැමරීමේ සිද්ධිය සම්බන්ධයෙන් අත්අඩංගුවට ගත් තරුණයන් දෙදෙනෙකු යාපනය මහෙස්ත්‍රාත් අධිකරණය වෙත ඉදිරිපත් කළ අවස්ථාවේදි ලබන මස 3 වෙනිදා දක්වා රක්ෂිත බන්ධනාගාරගත කෙරුණා.
පසුගියදා තරුණයින් 200ක් පමණ යතුරුපැදි වලින් පැමිණ බස් නැවතුම්පාළෙහි සිටි මගීන්ට හිරිහැර වන අන්දමින් මත්පැන් පානය කරමින් අශෝභ ලෙස හැසිරී තිබුණා.
එහිදී ඔවුන් සිය නායකයාගේ උපන්දිනය නිමිත්තෙන් කේක් ගෙඩියක් ද කැපීමට පියවර ගනු ලැබුවා.
එම අවස්ථාවේ මගීන් මේ පිළිබඳව පොලිසිය දැනුවත් කිරීමෙන් අනතුරුවයි උපන්දින සාදය සැමරූ පිරිසෙන් දෙදෙනෙකු අත්අඩංගුවට ගනු ලැබුවේ.