මිනිසෙකුගේ මූලික අවශ්‍යතා සපුරා ගැනීමට හැකි වැටුපක් මාධ්‍යවේදීන්ටත් ලබාදීමට කටයුතු කරන්නැයි ජාතික ජන බලවේගයේ පාර්ලිමේන්තු මන්ත්‍රී අනුර දිසානායක පැවසීය.
අද (08) ජනමාධ්‍ය අමාත්‍යංශයේ වැයශීර්ෂ පිළිබඳ පාර්ලිමේන්තු විවාදය අමතමින් මන්ත්‍රීවරයා මේ බව සඳහන් කළේය.
එහිදී වැඩිදුරටත් අදහස් දක්වමින් මන්ත්‍රීවරයා කියා සිටියේ අද රටේ මාධ්‍යවේදීන් බොහෝ දුෂ්කර ආර්ථික තත්ත්වයක සිටින බවත් රූපවාහිනීවල මෙන්ම පත්තර කාර්යාලවල ලැබෙන දීමනාද ඔවුන්ට ප්‍රමාණවත් නොවන බවත්ය.
එමෙන්ම සමාජයට බොහෝ පණිවිඩ රැගෙන යන මාධ්‍ය ආයතන වැසී ගියහොත් තොරතුරු ගලායාමේ අන්ධකාරයක් ඇතිවෙන බව පැවසූ මන්ත්‍රීවරයා අවධාරණය කළේ මාධ්‍යවේදීන් මුහුණපාන ගැටලුකාරී තත්ත්වයන් සම්බන්ධයෙන් විමසා බැලිය යුතු බවයි.