සජිත් ප්රේමදාස ජනාධිපතිවරයා සමඟ එකතු නොවන කතාව අසා තමා ඉතා සතුටට පත් වූ බව එක්සත් ජාතික පක්ෂ මහ ලේකම් පාලිත රංගේ බණ්ඩාර පැවසීය.
ඔහු මේ බව සඳහන් කළේ පිටකෝට්ටේ සිරිකොත එජාප මූලස්ථානයේ පැවැති මාධ්ය හමුවේදී අදහස් දක්වමිනි.
එහිදී වැඩිදුරටත් අදහස් දක්වමින් මහලේකම්වරයා කියා සිටියේ සජිත් නැවත එක්සත් ජාතික පක්ෂයට එකතු වන්නේ නැතැයි කීම එක්සත් ජාතික පක්ෂයටද විශාල සහනයක් බවත් සජිත් නැතිවීම යනු එජාපයේ හූනියම අවසන් වීම බවත්ය.
එමෙන්ම එක්සත් ජාතික පක්ෂය සමඟ සබඳතා පවත්වන සමගි ජන බලවේගයේ මන්ත්රීවරුන්ට සජිත්ගේ නොපැමිණීම බාධාවක් නොවනු ඇති බවයි එජාප මහලේකම්වරයා සඳහන් කළේ.