මහ බැංකුව තවමත් ජාත්‍යන්තර මූල්‍ය අරමුදලට යාමට සූදානමක් නොමැති බව පාර්ලිමේන්තු මන්ත්‍රී හර්ෂ ද සිල්වා පැවසීය.
අද (09) පෙරවරුවේ මහ බැංකු අධිපති හා එහි ජ්‍යෙෂ්ඨ නිලධාරීන් මෙම සාකච්ඡාව පවත්වා ඇති අතර ඒ සඳහා සමගි ජන බලවේගයේ පාර්ලිමේන්තු මන්ත්‍රීවරුන් වන කබීර් හෂීම්, හර්ෂ ද සිල්වා හා එරාන් වික්‍රමරත්න එක්ව තිබේ.
මෙම සාකච්ඡාවේදී ආනයන සඳහා ගෙවීම් කිරීම, විදේශ ණය, විනිමය අනුපාත, උද්ධමනය, මූල්‍ය යාන්ත්‍රණයේ ස්ථායිතාවය වැනි කරුණු පිළිබඳව අවධානය යොමුකළ බව හර්ෂ ද සිල්වා සිය ට්විටර් ගිණුමේ පණිවුඩයක් නිකුත් කරමින් පවසයි.
ශ්‍රී ලංකාවේ ආර්ථික අර්බුදය කෙටි කාලීන ද්‍රවශීලතාවය පිළිබඳ ගැටලුවක් බවට ශ්‍රී ලංකා මහ බැංකුව සිතන බව ඔහු වැඩිදුරටත් පැවසීය.
