රට මුහුණ පා ඇති ආර්ථික අර්බුදයට කඩිනමින් විසඳුම් සපයන්නැයි රජයට බලකරමින් සමගි ජන බලවේගය සංවිධානය කළ විරෝධතාව හේතුවෙන් මේ වනවිට ජනාධිපති ලේකම් කාර්යාලය ඉදිරිපිට මාර්ගයේ රථ වාහන ධාවනය සම්පූර්ණයෙන්ම ඇණහිට තිබේ.
එමෙන්ම සජබෙ විරෝධතාව හේතුවෙන් ගාලුමුවදොර ඉදිරිපිට ගාලුපාර මේ වන විට සම්පූර්ණයෙන් අවහිර වී ඇත. ‘රට විනාසයි – දැන් ඇති. තවත් වනසන්න දෙන්න බෑ’ යන තේමාව යටතේ මෙම උද්ඝෝෂණය පැවැත්වෙයි.