ඉරාන ජනාධිපති ඊබ්‍රහිම් රයිසිගේ අභාවය සම්බන්ධයෙන් හිටපු ජනාධිපති මහින්ද රාජපක්ෂ සිය ශෝකය ප්‍රකාශ කර තිබෙනවා.
සිය X ගිණුමේ සටහනක් තබමින් මහින්ද රාජපක්ෂ මේ බස සඳහන් කළා.
එමෙන්ම ඉරාන ජනාධිපති ඊබ්‍රහිම් රයිසිගේ අභාවය ගැන දැන ගැනීමට මහින්ද රාජපක්ෂ අද (20) ශ්‍රී ලංකාවේ ඉරාන තානාපති කාර්යාලයට ගියේය.
එහිදී ඉරාන තානාපති Khalanidi Alireza Delgosh හමුවී සිය ශෝකය ප්‍රකාශ කරමින් ශෝක පොතේ සටහනක් ද තැබීය.
මහින්ද රාජපක්ෂ සිය X ගිණුමේ දක්වා ඇත්තේ ඉරාන ජනාධිපති ඊබ්‍රාහිම් රයිසි සහ ඔහු සමඟ සිටි ජ්‍යෙෂ්ඨ නිලධාරීන් කිහිප දෙනෙකු හෙලිකොප්ටර් අනතුරකින් මියයාම පිළිබඳ පුවත ඇසීමෙන් තමා දැඩි ලෙස කම්පනයට පත් වූ බවයි.
එමෙන්ම ඉරාන ජනාධිපති රයිසි ශ්‍රී ලංකාවේ සැබෑ මිතුරෙක් බවත් ඉරාන ජනතාව වෙනුවෙන් ඔහුගේ නායකත්වය සහ කැපවීම සැමදා සිහිපත් වන බවයි මහින්ද රාජපක්ෂ සිය පණිවුඩයෙන් වැඩිදුරටත් දක්වා ඇත්තේ.