138 කඩවත – කොටුව මාර්ගයේ ගමන්ගන්නා බස් රථ අද (31) වර්ජනයක් ආරම්භ කර තිබුණා.
මේ හේතුවෙන් මගීන් දැඩි අපහසුතාවයකට ලක් වුණා.
කඩවත – කොටුව බස් නැවතුම්පොළේ මතුවී ඇති විශාල මඩවළ හේතුවෙන් මේ වනවිට බස් රථ කැඩී යන තත්ත්වයට පත්ව ඇති බවත් වැසිකිළි වළ උතුරා යෑම හේතුවෙන් ඒ අවට ප්‍රදේශයේ දැඩි දුර්ගන්ධයක් පවතින බවත් පවසමින් ඊට විසඳුම් ඉල්ලා බස් රථ රියදුරන් මෙම වර්ජනය ආරම්භ කරනු ලැබුවා.
ඒ අනුව කඩවත – කොටුව, වැලිවේරිය – කොටුව හා කිරිල්ලවල – කොටුව යන සියලු බස්රථ ධාවනයෙන් ඉවත් වී තිබූ බවයි අප වාර්තාකරු පැවසුවේ.