වයස අවුරුදු 15 යි මාස 07 ක් වන පාසල් දැරියක් මව්පිය භාරකාරත්වයෙන් පැහැර ගෙන ගිය බව කියන 23 හැවිරිදි තරුණයෙක් වනාතවිල්ලුව පොලීසිය විසින් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ පුත්තලම – ස්මයිල්පුරම් පදිංචිකරුවෙක්.
උපකාරක පන්තියකට යන බව පවසා ඉකුත් 25 වැනිදා නිවසින් ගිය තම දියණිය නැවත නිවසට නොපැමිණි බව පවසමින් දැරියගේ මව විසින් පොලීසියට කළ පැමිණිල්ලක් අනුවයි පොලීසිය විමර්ශන අරඹා ඇත්තේ.
ප්‍රේම සම්බන්ධතාවයක් හේතුවෙන් මෙම තරුණයා විසින් දැරියව පැහැරගෙන ඇති බවයි පොලිස් විමර්ශනලවදී අනාවරනය වී ඇත්තේ.
දැරිය වෛද්‍ය පරීක්ෂණයක් සඳහා පුත්තලම මූලික රෝහලට ඇතුළත් කර ඇති අතර සැකකරු පුත්තලම මහේස්ත්‍රාත් අධිකරණයට ඉදිරිපත් කිරීමට නියමිතය.