ඩීසල් මෙට්‍රික් ටොන් 20,000ක් රැගත් නෞකාවක් ඊයේ (24) මෙරටට පැමිණ තිබේ.
එම ඉන්ධන අද (25) සිට වෙළෙඳපොළට නිකුත් කරන බව බලශක්ති අමාත්‍ය ගාමිණි ලොකුගේ පවසයි. ගුවන් යානා ඉන්ධන මෙට්‍රික් ටොන් 20,000 ක්ද මේ වන විට ගොඩ බා අවසන් කර තිබේ.
මේ වන විට රට තුළ ඩීසල් හිඟයක් පැවතියද අමාත්‍යවරයා ඒ පිළිබඳව අදහස් දක්වමින් කියා සිටියේ පෙරට වඩා වැඩි ප්‍රමාණයක් ඩීසල් තොග නිකුත් කරමින් පවතින බවයි.
සීමාව ඉක්මවා ඉන්ධන් තොග රැස්කිරීම මෙම හිඟයට හේතුව වී ඇති බවත් අමාත්‍යවරයා අවධාරණය කළේය.