දෙමළ ජාතික සන්ධානය සහ ජනාධිපති ගෝඨාභය රාජපක්ෂ අතර ජනාධිපති ලේකම් කාර්යාලයේදී මේ වනවිට සාකච්ඡාවක් පැවැත්වේ.
ඉලංගෙයි තමිල් අරසුකච්චි සහ ප්ලොට් සංවිධානය මෙම සාකච්ඡාවට එක්ව සිටින බව පාර්ලිමේන්තු මන්ත්රී එම්. ඒ. සුමන්දිරම් පැවසීය. දෙමළ ජනතාවගේ ගැටලු ජනාධිපතිවරයා හමුවේ ඉදිරිපත් කිරීම සාකච්ඡාවේ අරමුණ බව හෙතෙම එහිදී සඳහන් කළේය.
දෙමළ ජනතාවගේ ගැටලුවලට විසඳුම් ලබාදීමට ශ්රී ලංකා රජයට බල කරන්නැයි, ඉල්ලමින් ඉන්දීය අගමැති නරේන්ද්ර මෝදි මහතාට දෙමළ පක්ෂ නියෝජිතයින් ලිපියක් ඉදිරිපත් කර ඇති අවස්ථාවේදී මෙම සාකච්ඡාව පැවැත්වීම විශේෂත්වයකි.