කටුනායක ගුවන්තොටුපළ සේවකයින්ට අද (07) නිවසේ සිට රාජකාරි කරන ලෙස උපදෙස් දී ඇති බව ගුවන්තොටුපළ හා ගුවන් සේවා සමාගම පවසයි.
ඔවුන් ප්‍රවාහනය කිරීම සඳහා අවශ්‍ය ඩීසල් තොග නොමැති වීම හේතුවෙන් මේ පියවර ගත් බව එහි උප සභාපති රජීව් සූරියආරච්චි පැවසීය. ඒ අනුව අත්‍යවශ්‍ය රාජකාරි සඳහා පමණක් සේවකයින් කැඳවා තිබේ.
ගුවන්තොටුපළ සඳහා අවශ්‍ය ඉන්ධන තොග දින කිහිපයක සිට ඇණවුම් කළද මෙතෙක් එම ඉන්ධන තොග නොලැබුණු බවත් කෙසේවෙතත් ගුවන් තොටුපළ රේඩාර් පද්ධතිය ඇතුළු අත්‍යවශ්‍ය සේවා ක්‍රියාත්මක කිරීමට අවශ්‍ය බලශක්තිය ගැටලුවකින් තොරව ලබා ගැනීමට හැකියාව පවතින බවත් හෙතෙම අවධාරණය කළේය.