භූමිතෙල් භාවිතයෙන් ධාවනය කළ බස් රථ රැසක් පොලිස් වැටලීම්වලදී හඳුනාගනී
භූමිතෙල් භාවිත කරමින් ධාවනය කරන බස් රථ සොයා දිවයිනේ ප්රදේශ කිහිපයක පොලිසිය විසින් විශේෂ වැටලීම් මෙහෙයුම් ක්රියාත්මක කර ඇති අතර, එහිදී එවැනි බස් රථ කිහිපයක් හඳුනාගෙන නීතිමය පියවර සඳහා යොමු කර තිබේ.
රත්නපුර නගරය කේන්ද්ර කරගෙන රත්නපුර පොලිස් රථවාහන අංශය සිදු කළ වැටලීමකදී භූමිතෙල් යොදා ධාවනය කළ බවට සැක කෙරෙන බස් රථ පහක් අනාවරණය කරගෙන ඇත.
පොලිස් නිලධාරීන් සඳහන් කළේ, බස් රථ නිෂ්පාදකයා විසින් නියම කර ඇති ඉන්ධන වර්ගය හැර වෙනත් ඉන්ධන භාවිත කිරීම හෝ ඉන්ධන මිශ්ර කර ධාවනය කිරීම නීතිවිරෝධී ක්රියාවක් බවයි.
මේ අතර, අම්බලන්ගොඩ පොලිසිය ද එවැනි වාහන සොයා විශේෂ වැටලීමක් ක්රියාත්මක කර තිබේ. එහිදී ගාල්ල–කොළඹ සහ අම්බලන්ගොඩ–ඇල්පිටිය ප්රධාන මාර්ගවල ධාවනය වූ භූමිතෙල් භාවිත කළ බවට සැක කෙරෙන බස් රථ හතරක් හඳුනාගෙන ඇත.
එම බස් රථවල හිමිකරුවන්ට එරෙහිව නීතිමය ක්රියාමාර්ග ගැනීමට කටයුතු කරන බව පොලිසිය වැඩිදුරටත් ප්රකාශ කර තිබේ.