ජාත්‍යන්තර මූල්‍ය අරමුදලෙන් අනතුරු ඇඟවීමක්

ඉදිරි කාලසීමාව තුළදී ගෝලීය ආර්ථික වර්ධනය අඩු වී උද්ධමනය තවදුරටත් ඉහළ යනු ඇති බව ජාත්‍යන්තර මූල්‍ය අරමුදල ප්‍රකාශයට පත් කර තිබේ.

වත්මන් ආර්ථික ප්‍රවණතාවන් සැලකිල්ලට ගනිමින් ඔවුන් මෙම නිගමනය ඉදිරිපත් කර ඇති අතර ජාත්‍යන්තර මූල්‍ය අරමුදලේ මෙම ප්‍රකාශයත් සමඟ ලෝක වෙළදපොළේ බොරතෙල් මිල සියයට 5කින් පමණ අඩු වී ඇති බව වාර්තා වෙයි.

ඒ අනුව දිනක් තුළ බ්‍රෙන්ට් වර්ගයේ බොර තෙල් බැරලයක මිල ඩොලර් 107යි ශත 25ක් දක්වා සියයට 5.9කින් පහත වැටී ඇති අතර වෙස්ට් ටෙක්සාස් වර්ගයේ බොරතෙල් බැරලයක මිල ඇමරිකානු ඩොලර් 102ක් දක්වා පහත වැටී ඇත.