මැද පෙරදිග කලාපයේ උත්සන්න වෙමින් පවතින යුදමය තත්ත්වය සැලකිල්ලට ගනිමින් කුවේට් රාජ්යය වෙත ශ්රීලන්කන් ගුවන් සමාගම සිදුකරන ගුවන් ගමන් වාර තාවකාලිකව අත්හිටුවීමට තීරණය කර ඇති බව ශ්රී ලංකා සිවිල් ගුවන් සේවා අධිකාරිය නිවේදනය කර ඇත.
එම නිවේදනයට අනුව, ඊයේ (20) සිට ජූලි 26 දක්වා කුවේට් බලා ක්රියාත්මක වන සියලුම ශ්රීලන්කන් ගුවන් ගමන් වාර තාවකාලිකව නතර කර තිබේ.
මේ පිළිබඳ වැඩිදුර තොරතුරු අවශ්ය මගීන්ට 1979 ක්ෂණික දුරකථන අංකය ඔස්සේ හෝ +94 11 777 1979 සහ +94 74 444 1979 යන වට්ස්ඇප් අංක වෙත කෙටි පණිවිඩයක් යොමු කිරීමෙන් තොරතුරු ලබාගත හැකිය.
එමෙන්ම ශ්රීලන්කන් ගුවන් සමාගමේ නිල වෙබ් අඩවිය හරහාද නවතම ගුවන් ගමන් තොරතුරු සහ වැඩිදුර විස්තර ලබාගැනීමේ පහසුකම පවතී.