රුසියානු – යුක්‍රේන යුධමය වාතාවරණය තුළ නිර්මාණය වී ඇති ගෝලීය ආහාර සහ භාණ්ඩ හිඟය 2024 දක්වා පැවතිය හැකි බව ලෝක බැංකුව අවධාරණය කරයි.
1970 වර්ෂයෙන් පසු විශාලතම භාණ්ඩ හිඟයට ලෝකය මුහුණදෙමින් සිටින බව ලෝක බැංකුව පවසයි.
උග්‍ර ආහාර හිඟය, ඉන්ධන හිඟය සහ වෙළෙඳම් සීමාකිරීම ලොව බොහෝ රටවල් රැසක උද්ධමනය ඉහළ යාමට හේතුවී ඇති බව ලෝක බැංකුව පෙන්වා දෙයි.
රුසියාව ලොව විශාලතම ස්වභාවික ගෑස් සහ පොහොර අපනයනකරු වන අතර දෙවන විශාලතම බොරතෙල් අපනයනකරුද වේ.
පසුගිය පෙබරවාරි 24 වැනිදා රුසියාව විසින් යුක්‍රේනයේ යුද මෙහෙයුම් ආරම්භ කිරීමෙන් පසු භාණ්ඩ නිෂ්පාදන සහ අපනයන ක්‍රියාවලිය අඩාල වී ඇති බව විදෙස් මාධ්‍ය වාර්තා කරයි.