දුම්රිය වෙන් කළ අසුන් සඳහා වන ගාස්තු ජුනි 01 වැනිදා සිට ඉහළ දමා ඇති බව දුම්රිය දෙපාර්තමේන්තුව පවසයි.
දුම්රිය පාඩුව අවම කර ගැනීම සඳහා එම මිල ගණන් ඉහළ දැමීමට සිදුවූ බව දුම්රිය සාමාන්‍යාධිකාරිවරයා ප්‍රකාශ කළේය.
දුම්රිය සාමාන්‍යාධිකාරි ධම්මික ජයසුන්දර පැවසුවේ, ඒ අනුව ලබන පළමු වැනිදා සිට දුම්රිය වෙන් කළ අසුන් සඳහා වන ගාස්තුව 30%කින් ඉහළ දමන බවයි.
දෛනිකව ඉන්ධන සඳහා දුම්රිය දෙපාර්තමේන්තුවේ රුපියල් මිලියන 40ක් පමණ වැය කිරීමට සිදුවුවද දෛනික ආදායම රුපියල් මිලියන 15ක් පමණ වන බව පැවසූ දුම් රිය සාමාන්‍යාධිකාරීවරයා කියා සිටියේ ඉන්ධනවලට අමතරව අනෙකුත් කාර්ය සඳහාද දෛනිකව මිලියන 30ක් වැය වන බවයි.