ලෝටස් වටරවුම අවහිර කරමින් උද්ඝෝෂණයක නිරතව සිටි පිරිස අතරින් විරෝධතාකරුවන් 21 දෙනෙක් මේ වනවිට අත්අඩංගුවට ගෙන ඇති බව පොලිසිය පවසයි.
අත්අඩංගුවට ගත් පිරිස අතර භික්ෂූන් වහන්සේ නමක් සහ කාන්තාවන් 04ක්ද සිටින අතර ඔවුන් අධිකරණයට ඉදිරිපත් කිරීමට නියමිතයි.
ගාලු මුවදොර සිටින උද්ඝෝෂකයින් පිරිසක් විසින් අද (20) උදෑසන මෙම විරෝධතාව සංවිධානය කර තිබූ අතර මේ හේතුවෙන් ඒ අවට මාර්ග රැසක දැඩි රථවාහන තදබදයක්ද හටගෙන තිබූ බව වාර්තා වෙයි.
කෙසේවෙතත් උද්ඝෝෂණයේ නිරත පිරිස විසින් එම පිවිසුම් මාර්ග අවහිර කරමින් අට්ටාල සවිකර තිබූ අතර එම හේතුවෙන් සේවයට වාර්තා කළ මුදල් අමාත්‍යංශ, ජනාධිපති ලේකම් කාර්යාලය සහ මහා භාණ්ඩාගාරයේ නිලධාරීන්ට දුෂ්කරතා සඳහා මුහුණදීමට සිදු විය.