යල කන්නයේ වගා කටයුතු සඳහා අවශ්‍ය යූරියා පොහොර තොග රැගත් නෞකාව ජුලි මස 06 වැනිදා මෙරටට ළඟා වන බව කෘෂිකර්ම අමාත්‍ය මහින්ද අමරවීර පවසයි.
අමාත්‍යවරයා මේ බව ප්‍රකාශ කළේ අද (21) කැබිනට් තීරණ දැනුම්දීමේ මාධ්‍ය හමුවට සහභාගි වෙමිනි.
ඉන්දියානු ණය යෝජනා ක්‍රමය යටතේ මෙම පොහොර තොගය ශ්‍රී ලංකාවට ලැබෙන අතර එය මෙට්‍රික් ටොන් 65,000කින් සමන්විතය.
ඕමානයේ සිට ඉන්දියාවට පොහොර රැගෙන එන නෞකාවෙන් මෙරටට පොහොර ගොඩබෑමට නියමිතය. පොහොර තොගය ගොඩබෑමෙන් අනතුරුව ඇසුරුම් කර කඩිනමින් ගොවීන් වෙත ලබාදීමට කටයුතු කරන බව කෘෂිකර්ම ඇමතිවරයා පවසයි.