අද (28) දිනය තුළ ලංකා ගමනාගමන මණ්ඩලය සාමාන්‍ය පරිදි බස්රථ ධාවනය සිදුකරන බව එහි සභාපති කිංස්ලි රණවක පවසයි.
මේ අතර අද දිනය තුළ සාමාන්‍ය පරිදි දුම්රිය ධාවනයද සිදුකරන බව දුම්රිය දෙපාර්තමේන්තුව සඳහන් කළේය.
සාමාන්‍ය දුම්රිය කාලසටහනට අනුව දුම්රිය ධාවන කටයුතු සිදුකිරීමට සැලසුම් කර ඇති බව එම දෙපාර්තමේන්තුව වැඩිදුරටත් සඳහන් කළේය. මේ අතර ලංගම ඩිපෝ හරහා පෞද්ගලික බස් රථ සඳහා අඛණ්ඩව ඉන්ධන ලබාදීමට කටයුතු කරනු ලබයි.
කෙසේ වෙතත් පෞද්ගලික බස් සංගම් සඳහන් කළේ බස් ධාවන කටයුතු තවදුරටත් සීමා වී ඇති බවයි. මේ අතර බස් ගාස්තු සංශෝධනය සම්බන්ධයෙන් අද (28) සාකච්ඡාවක් පැවැත්වීමට නියමිත බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න ප්‍රකාශ කළේය.