පවතින ඉන්ධන අර්බුදය හේතුවෙන් පාසල් ළමුන් ප්‍රවාහනය සඳහා හඳුන්වාදෙන නව බස් රථ සේවාව අගෝස්තු 01 වැනිදා සිට ක්‍රියාත්මක කරන බව ජාතික ගමනාගමන කොමිෂන් සභාව සඳහන් කරයි.
රජයේ ප්‍රවෘත්ති දෙපාර්තමේන්තුවේ අද (29) පෙරවරුවේ පැවති මාධ්‍ය සාකච්ඡාවකට එක්වෙමින් ජාතික ගමනාගමන කොමිෂන් සභාවේ අධ්‍යක්ෂ ජෙනරාල්වරයා මේ බව සඳහන් කළේය.
ඒ අනුව මේ සඳහා බස් රථ 40ක් පමණ අගෝස්තු 01 වැනිදා සිට බස්නාහිර පළාත තුළ යෙදවීමට නියමිත බව ඔහු සඳහන් කළේය.
මේ සම්බන්ධයෙන් වැඩිදුර තොරතුරු දැනගැනීමට 1955 ක්ෂණික දුරකථන අංකය ඇමතීමෙන් හැකියාව පවතින බව අධ්‍යක්ෂ ජෙනරාල්වරයා වැඩිදුරටත් සඳහන් කළේය.