ඉන්ධන මිල අඩු කළහොත් ආපනශාලාවල ආහාර පානවල මිල සියයට විස්සකින් අඩු කරන බව ආපනශාලා හිමියන්ගේ සංගමයේ සභාපති අසේල සම්පත් පැවසීය.
හෙතෙම මේ බව අවධාරණය කළේ ඇල්පිටියේ පැවති මාධ්ය හමුවකට එක්වෙමිනි.
ඉන්ධන මිල සැලකිය යුතු මට්ටමකින් අඩුවේ නම් සිය ආපනශාලාවල ආහාර මිල සියයට විස්සකින් අඩු කරන බව අසේල සම්පත් එහිදී කීවේය.
ඒ අනුව ප්ලේන්ටියේ සිට රයිස්, කොත්තු මිල ඇතුළු බේකරි නිෂ්පාදන අඩුවන බව හෙතෙම එහිදී අවධාරණය කළේය