ඔටෝ ඩීසල් සහ සුපිරි ඩීසල් මෙට්‍රික් ටොන් ලක්ෂයක් සහිත නෞකාවක් කොළඹට අද (17) ළගාවීමට නියමිත බව බලශක්ති අමාත්‍යංශය පවසයි.
ඒ අනුව මෙතෙක් රට තුළ පවතින සුපිරි ඩීසල් හිඟය අවසන් වනු ඇතැයි අපේක්ෂා කෙරේ.
මෙම සුපිරි ඩීසල් තොගය මාස දෙකකට අධික කාලයකට පසුව ලැබුණු තොගය බවත් ඩීසල් තොගයේ පරීක්‍ෂණ අවසන් වීමෙන් පසුව ක්‍රමානුකූලව පිරවුම්හල වෙත නිකුත් කරන බවත් බලශක්ති අමාත්‍යංශය වැඩිදුරටත් පවසයි.