මහ කන්නයේ වී ගොවීන්ට කාබනික පොහොර මිලදී ගැනීම සඳහා රුපියල් 20,000ක සහනාධාරයක් ලබා දීමට රජයේ අවධානය යොමු වී ඇති බව කෘෂිකර්ම අමාත්‍ය මහින්ද අමරවීර පැවසීය.
මෙම සහනාධාරය ලබා දීම සදහා රුපියල් කෝටි 1600ක මුදලක් රජය වැය කිරීමට අපේක්ෂිතය.
2022 / 2023 මහ කන්නයේ වී වගා කිරීමේදී සියයට 70ක් රසායනික පොහොරද, සියයට 30ක් කාබනික පොහොරද වශයෙන් යොදා ගැනීමට කෘෂිකර්ම දෙපාර්තමේන්තුව හා කෘෂිකර්ම ක්ෂේත්‍රයට සම්බන්ධ විද්වතුන් කෘෂිකර්ම අමාත්‍යාංශයට නිර්දේශ කර තිබිණි.
ඒ අනුව ලබන මහ කන්නයේදී වී ගොවීන්ට කිලෝග්‍රෑම් 50කින් යුත් පොහොර මිටියක් රුපියල් 10,000 බැගින් ලබා දීමටත්, හෙක්ටයාර් එකකට යුරියා පොහොර කිලෝග්‍රෑම් 125ක් බැගින් ලබා දීමටත් කටයුතු කරන බව කෘෂිකර්ම අමාත්‍ය මහින්ද අමරවීර සඳහන් කළේය.