ශ්‍රී ලංකා මහ බැංකුව ඉකුත් දිනවල ගත් තීන්දු තීරණ හේතුවෙන් මේ වන විට ආර්ථිකයේ යම් සාධනීය ප්‍රතිඵල ලැබෙමින් ඇති බව ශ්‍රී ලංකා මහ බැංකුවේ අධිපති නන්දලාල් වීරසිංහ පවසයි.
හෙතෙම මේ බව ප්‍රකාශ කළේ ඊයේ (18) පැවති මාධ්‍ය හමුවකට එක්වෙමිනි.
රටට අවශ්‍ය ඉන්ධන, ගෑස්, ආහාර සහ ඖෂධ වැනි අත්‍යාවශ්‍ය ද්‍රව්‍ය ආනයනය කර ගැනීමට ප්‍රමාණවත් තරම් විදේශ විනිමය පවතින බවත් එහිදී මහ බැංකු අධිපතිවරයා ප්‍රකාශ කළේය.
උදධමනය සියයට 70 කටත් වඩා වැඩි වේ යැයි උපකල්පනය කළද එම තත්ත්වය අඩුවී උද්ධමනය සියයට 60කට වැඩි ප්‍රමාණයක පවතින බව නන්දලාල් වීරසිංහ සඳහන් කළේය.