මරණීය දණ්ඩනය නියම වූ හිටපු පාර්ලිමේන්තු මන්ත්‍රී දුමින්ද සිල්වාට ජනාධිපති සමාව ලබා දීමට එරෙහිව ගොනු කර ඇති පෙත්සම් විභාගයෙන් විනිසුරුවරයෙක් ඉවත් වී තිබේ.
එම පෙත්සම අද (01) ප්‍රියන්ත ජයවර්ධන ප්‍රමුඛ ත්‍රිපුද්ගල විනිසුරු මඩුල්ලක් ඉදිරියේ කැඳවනු ලැබූ අවස්ථාවේදී ශ්‍රේෂ්ඨාධිකරණ විනිසුරු ප්‍රියන්ත ජයවර්ධන ඉවත් වී තිබේ.
පෞද්ගලික හේතුවක් මත තමන් මෙම නඩු විභාගයෙන් ඉවත්වන බව එහිදී විනිසුරු ප්‍රියන්ත ජයවර්ධන පැවසීය. අනතුරුව නඩු විභාගය කල් තබා ඇත.