මෙරට දැඩි ආර්ථික අවපාතය හේතුවෙන් සෑම පුරවැසියෙකුටම දැඩි බලපෑමක් එල්ල වී තිබෙනවා.
සිදුකළ අධ්‍යයනයකින් අනාවරණය වී ඇත්තේ, මෙරට පුද්ගලයින් ලක්ෂ 96ක් මේ වන විට දරිද්‍රතාවයෙන් පෙළෙන බවයි.
පසුගියදා මහාචාර්ය වසන්ත අතුකෝරාළ මේ බව අනාවරණයක් සිදු කරමින් පැවසුවේ, 2019 ලක්ෂ 30කට ආසන්න පුද්ගලයින් ප්‍රමාණයක් දූගීබවෙන් පෙළුණ බවත් කෙසේ වුවත් ඒ ප්‍රමාණය අද වෙනවිට ලක්ෂ 96 දක්වා වැඩි වී තිබෙන බවත්ය.
ඔහු වැඩි දුරටත් පැවසුවේ ලාංකික සමාජයේ ජීවත් වන ජනතාවගේ සියයට 42ක් පමණ මේ වනවිට දරිද්‍රතාවයෙන් පෙළෙන බව අනාවරණය වී ඇති බවයි. මෑතකදී ලෝක බැංකුව විසින් අධ්‍යයනයක් මගින් සඳහන් කර ඇත්තේ ලංකාවේ දරිද්‍රතාවය 26%ක් වුවත් එය ඊට වැඩිය විශාල ප්‍රමාණයක් සත්‍ය වශයෙන් ඇති බවයි.