අද (16) සිට ක්‍රියාත්මක වන පරිදි කොත්තුවක මිල රුපියල් 50 කින් අඩු කරන බව ආපනශාලා හිමියන්ගේ සංගමය පවසයි.
වෙළෙඳපොළේ ආනයනික තිරිඟු පිටි මිල අඩු වීමත් සමග මෙම තීරණය ගත් බව එම සංගමයේ සභාපති අසේල සම්පත් ප්‍රකාශ කළේය.
ආනයනික තිරිඟු පිටි කිලෝවක තොග මිල රුපියල් 290 දක්වා අඩු වුවද පාන් ඇතුළු බේකරි නිෂ්පාදනවල මිල අඩු කළ නොහැකි බව සමස්ත ලංකා බේකරි හිමියන්ගේ සංගමය පවසයි.
එහි සභාපති එන්. කේ. ජයවර්ධන සඳහන් කළේ බේකරි නිෂ්පාදන සඳහා තිරිඟු පිටි සපයන ප්‍රධාන සමාගම් දෙක මෙතෙක් සිය මිල ගණන් අඩු කර නොමැති බවයි.