පසුගිය අගෝස්තු මාසයේදී විදුලි බිල සියයට 75කින් ඉහළ දමනු ලැබීය.
එහෙත් විදුලිබල මණ්ඩලයට තවත් බිලියන 12කට වැඩි පාඩුවක් විඳීමට සිදුව ඇති බැවින් යළිත් විදුලි බිල වැඩි කිරීම කෙරෙහි අවදානය යොමුව ඇති බව ආරංච්මාර්ග සඳහන් කරයි.
පෙරේදා (20) විදුලිබල හා බලශක්ති අමාත්‍ය කංචන විජේසේකර පාර්ලිමේන්තු සංකීර්ණයේ පැවති ජාතික සභාවේදී කියා සිටියේ බිලියන 12ක් පමණ වන මෙම පාඩුව මගහරවා ගැනීමට නම් විදුලි බිල නැවත වරක් ඉහළ දැමිය යුතු බවයි.
ලංකා විදුලි බල මණ්ඩලය, මහජන උපයෝගිතා කොමිෂන් සභාව සහ සුනිත්‍ය බලශක්ති අධිකාරිය ජාතික සභාව වෙත කැඳවා විදුලිබල අර්බුදය ගැන සිදු කළ සාකච්ඡාවේදී නැවත වරක් විදුලි බිල ඉහළ දැමීම කෙරෙහි අවදානය යොමුව තිබේ.