විදෙස් රටවල සිට මෙරට මත්ද්‍රව්‍ය ජාවාරම් මෙහෙයවන පුද්ගලයින් 12 දෙනෙකු සඳහා රතු වරෙන්තු නිකුත් කර ඇති බව බස්නාහිර පළාත් උතුර නියෝජ්‍ය පොලිස්පති රොෂාන් ප්‍රේමරත්න පවසයි.
ගම්පහ දිස්ත්‍රික් කමිටු රැස්වීමට එක්වෙමින් හෙතෙම මේ බව ප්‍රකාශ කළේය.
මෙම මත්ද්‍රව්‍ය ජාවාරම්කරුවන්ගෙන් කිහිපදෙනෙක්ම ගම්පහ දිස්ත්‍රික්කයේ පුද්ගලයින් බව අනාවරණය වී තිබේ.
කෙසේවෙතත් එම අවස්ථාවට එක්වෙමින් ප්‍රසන්න රණතුංග අමාත්‍යවරයා පැවසුවේ ඇතැම් පොලිස් නිලධාරින් මත්ද්‍රව්‍ය ජාවාරම්කරුවන් සමග සමීපව කටයුතු කරන බවට තොරතුරු අනාවරණය වී ඇති බවය.